Israa Zain
تعالي أعرفك بنفسي...
اسمي إسراء...
مهندسة لا تعمل بالهندسة :D
بساعد و بدرب البنات و السيدات على تعلم التنظيم و التخطيط بشكل عملي و تطبيقي نقدر فعلا ننفذه على أرض الواقع مش مجرد أمنيات و خطط على ورق.
و لأني أم معلمة منزليا مع حبي للتنظيم و التخطيط خلاني أتعلم كتير فيما يخص تنظيم و تخطيط العملية التعليمية،
و بدأت أساعد أمهات كتير غيري على استقرار العملية التعليمية بالتخطيط ليها بصورة صحيحة و تنظيم ما يخص
تنفيذه بشكل واقعي و متدرج
مدربة استشاريين تحفيزيين... بساعد كل سيدة اللي حابة تشتغل في مجال الدعم النفسي،
و حابيين يستغلوا قدرتهم على حسن الاستماع و النصح و مساعدة غيرهم في دعم الأم مع تقديم محتوى الورش المعتاد... من خلال التدريب المعتمد للاستشارين التحفيزين.
أما مجال التربية فكان جانب أساسي في رحلتي كأم قدمت فيه العديد من الورش و مازالت رحلة التعلم مستمرة.
بساعدك تصححي مفاهيم كتير عن نفسك و عن التنظيم... إنك تحطي أهداف واقعية و تظبطي توقعاتك... و إن كل دا يصب في التطبيق العملي و مع تطبيقك و إلتزامك باللي نتعلمه و دورك في تنفيذه تقدري تلمسي تغيير حقيقي في حياتك مش مجرد كلام حلو على الورق و بس غير قابل للتنفيذ... إن شاء الله رب العالمين.
و قبل ما أتعلم و أجرب اللي بنقلهولك عشت المشاكل دي و تخبطت فيها كتير ... فمش بس عايزة أختصر عليكي السكة و أساعدك توفري وقت و جهد... كمان هكون حاسة بكل اللي مريتي و بتمري بيه.
